Snjallborðar Púls Media eru gagnvirkar auglýsingar fyrir vef sem einfalda auglýsendum framleiðslu og birtingu auglýsingaefnis. Snjallborðar frá Púls eru í birtingu á öllum helstu vefmiðlum landsins og einnig er hægt að nota snjallborða á umhverfismiðlum og samfélagsmiðlum.
Snjallborðum er ætlað að mæta þremur áskorunum á auglýsingamarkaði:
💸 Of stór hluti af íslensku markaðsfé fer úr landi til erlendra stórfyrirtækja.
👎 Margir handvirkir ferlar fylgja framleiðslu og miðlun auglýsinga og tölfræði.
❌ Hingað til hafa innlendir miðlar boðið upp á staðnaðar, statískar auglýsingavörur án sjálfsafgreiðslu.
Snjallborðar uppfærast sjálfkrafa í takt við breytingar sem verða á upplýsingum um framboð á vörum og þjónustu á heimasíðu viðskiptavinarins. Gagnatengingu er komið á og er aðkoma upplýsingatæknistarfsmanns frá viðskiptavini í flestum tilfellum óþörf. Þetta þýðir til dæmis að ef verð, vöruframboð eða tímasetning breytist þá mun snjallborðinn taka samsvarandi breytingum. Þannig er tryggt að mögulegir viðskiptavinir sjá alltaf réttar og viðeigandi upplýsingar sem eykur líkurnar á því að auglýsingin nái til þeirra.
Snjallborðar eru sérhannaðir eftir þörfum viðskiptavinarins, út frá þeirra vörumerki, þannig að letur, litir og almennt útlit sé í takt við annað markaðsefni. Borðarnir bjóða upp á ýmiskonar virkni sem hámarkar nýtingu auglýsingaplássa:
➡️ Skrunvirkni (e. scroll) fyrir margar vörur.
📸 Myndaskrun (e. slideshow) fyrir eina vöru.
👻 Stríðnisskrun (e. teaser scroll).
🔥 Lifandi verð og tilboðsmerkingar.
⏰ Niðurteljara.
🗓️ Breytilega lýsingu á tímasetningum (á laugardag, á morgun, í dag).
💡 Ýmis sérsmíðuð virkni til að birta rauntímaupplýsingar.
Með því að nota snjallborða má nýta dýrmætan tíma starfsfólks betur. Ekki þarf lengur að breyta auglýsingum í höndunum eða senda daglega tölvupósta á vefmiðla varðandi auglýsingar dagsins. Tímanum sem áður fór í þessi verkefni er því hægt að verja í verkefni sem skapa meira virði fyrir fyrirtækið.
Snjallborðar henta sérstaklega vel þegar um er að ræða vöru sem er í eðli sínu alltaf að breytast. Góð dæmi um þetta eru snjallborðar frá Símanum Sport þar sem sýndir eru næstu leikir í beinni í Enska Boltanum. Einnig borði frá Eldum rétt sem uppfærist sjálfkrafa með þeim réttum sem eru í boði þá vikuna og tímanum sem mögulegur viðskiptavinur hefur til að ganga frá pöntun. Hægt er að skoða dæmi um fleiri snjallborða og lesa um hönnun og virkni þeirra á hér á heimasíðunni okkar.
Vinnusparnaður, fjölbreytt virkni og aðlaðandi útlit eru allt góðar ástæður fyrir því að nota snjallborða en besta ástæðan er án efa hversu mikinn áhuga þeir vekja hjá mögulegum viðskiptavinum. Smellihlutfall snjallborða mælist yfirleitt umtalsvert hærra heldur en smellihlutfall statískra auglýsinga. Eitt dæmi um þetta eru fasteignaauglýsingar frá Lind fasteignasölu.
👎 Smellihlutfall statískra auglýsinga mælist 0,12-0,13%
👌 Smellihlutfall snjallborða mælist 0,61-1,01%.
💥 Þarna sýna snjallborðar 5x-9x betri árangur.
Það gefur því auga leið að markaðsfé er mun betur varið í slíkar lifandi auglýsingar sem vekja meiri áhuga hjá mögulegum viðskiptavinum.
Í auglýsingakerfi Púls, sem er bæði einfalt og notendavænt, geta auglýsendur fylgst nákvæmlega með smelli og skrunhlutfalli snjallborða í rauntíma. Þar er hægt að bera saman árangur eftir miðlum, fylgjast með hvaða vörur eru vinsælastar, hvaða stærð af auglýsingum vekur mesta athygli og margt fleira. Í kerfinu er einnig auðvelt að gera breytingar í takt við þessa tölfræði með það fyrir augum að bæta árangur borðanna enn frekar.
Verð fyrir snjallborða stjórnast að talsverðu leyti af þörfum viðskiptavina. Stofnkostnaður er almennt 189.000 kr (án vsk.) og síðan er val um mánaðarverð eða breytilega áskrift.
💰Fast mánaðarverð er 89.000 kr.
📊 Í breytilegri áskrift eru greiddar 189 kr fyrir hvert cpm (1000 birtingar).
🔒Gerum föst verðtilboð í flóknari verkefni.
Við hjá Púls tökum vel á móti nýjum viðskiptavinum sem vilja nýta sér snjallborða til að gera framleiðslu og dreifingu auglýsinga bæði auðveldari og árangursríkari. Endilega hafðu samband og við finnum í sameiningu hvaða leið myndi henta best. Hægt er að senda okkur tölvupóst á hallo@pulsmedia.is eða setja netfangið þitt í formið hér að neðan og við höfum samband um hæl!
Halldóra S. Halldórsdóttir
Verkefnastjóri Púls Media